Lufta në Ukrainë është në ditën e saj të 19-të, ndërkohë që raketat ruse kanë goditur një autobus elektrik në Kiev.
Raportohet se një 59-vjeçar ka ndërruar jetë.
“Forcat ruse sapo goditën me një raketë autobusin rus, brenda qytetit të Kievit, është shkatërruar çdo gjë. Rusët kanë filluar të godasin objektivat civile. Krateri është shumë i madh”, tregon gazetari Artur Bibe, i cili prej disa ditësh ndodhët në Ukrainë.
Nga pamjet e publikuara shihen njolla gjaku, ndërsa deri më tani është raportuar vetëm për një viktimë.
Edhe këtë të hënë forcat ushtarake ruse sulmuan me raketa kryeqytetin e Ukrainës, Kiev. Në shënjestër fillimisht u vu uzina aeronautike Antonov, ku sipas burimeve ukrainase të paktën dy persona vdiqën.
Gjatë natës në kryeqytetin Kiev dhe në rajonin Zhytomyr ka pasur sulem me raketa.
Ndërkohë që dyshohet se Rusia i kërkoi Kinës ndihmë ushtarake për t’iu shmangur sanksioneve. Ambasada e Kinës në Uashington ka thënë se nuk është në dijeni të kësaj kërkese.
SHBA ka paralajmëruar Kinën se do të përballet me pasoja nësë do të ndihmojë Rusinë në qëllimin e saj për të pushtuar Ukrainën.
Nuk do të ketë evakuime civile të hënën nga Sumy, një qytet që ka qenë skena e luftimeve të ashpra për javë të tëra.
Në qytetin e Mariupolit, ata që arritën të arratiseshin i thanë BBC-së se zonat e banuara ishin bombarduar pa pushim ditë e natë. Dhe në qytetin e Rivne, një kullë televizive thuhet se është dëmtuar si rezultat i një sulmi raketor rus.
Mediat ukrainase raportojnë se një kullë televizive pranë Rivne, në perëndim të Kievit, u dëmtua si rezultat i një sulmi me raketa ruse.
