Kryeministri i Britanisë së Madhe Boris Johnson është zhvendosur në terapi intensive pasi, ndonëse deklaroi se ishte mirë, gjendja e tij është përkeqësuar, raporton BBC.
Ai ka qëndruar për dhjetë ditë me simptoma në shtëpi, por u shtrua në Spitalin St Thomas në Londër me “simptoma të rënduara” të dielën, ditën e djeshme.
Kryeministri i ka kërkuar ministrit të Jashtëm anglez, Dominic Raab, të marrë drejtimin e vendit në mungesë të tij.
Ajo që duket paradoksale në këtë histori është fakti se Johnson nuk mori masa të menjëhershme, teksa tentoi të vendoste në Britani të ashtuquajturën ‘imuniteti i tufës’, duke pritur që 60% e popullsisë të infektohej nga koronavirusi që më pas të fitonte imunitet.
Mirëpo, situata u përkeqësua dhe Johnson vendosi të ndërhynte, duke marrë masa, teksa deri tani në Britani janë infektuar 51,608 persona dhe janë regjistruar 5, 373 viktima.
Ditën e premte, kryeministri Johnson postoi një video në rrjetet sociale ku shfaqej i lodhur nga sëmundja dhe tregonte se ishte ende me temperaturë të lartë.
