Finlanda renditet për të dytin vit radhazi populli më i lumtur në botë sipas OKB-së.
Pavarësisht se jetojnë në ditë më me pak diell dhe kryesisht të ftohta, ata na tregojnë që dinë të jetojnë të lumtur. Në 1990, Finlanda regjistrohej e dyta për numrin më të lartë të vetëvrasjeve në botë, pas Hungarisë, sipas statistikave ndërkombëtare.
Finlanda në shumë vende të huaja, konsiderohet si imazh i një shteti të trishtuar dhe që nxit vetëvrasjet, por shkalla e vetëvrasjeve është përgjysmuar në sajë të një fushate të shëndetit publik në përmirësimin e kurimit dhe mbështetjen ndaj personave në rrezik.
Organizata Botërore e Shëndetësisë (OBSH) rendit Finlandën në vendin e 22 të shteteve me nivelin më të lartë të vetëvrasjeve, pas SHBA-së (19) dhe përpara Francës (27), por vetëm gjashtëdhjetë shtete paraqitën të dhëna të besueshme.
Eurostat e rendit atë në mesataren europiane.
Disa hulumtues në fushën e shëndetit mendor paralajmëruan se nuk ekzistonte aspak ndonjë lidhje mes problemit dhe faktorëve të tillë si klima dhe ekspozimi i dritës.
”Nëse ndihesh në një fazë depresioni kudo në çdo shtet të botës, je i ekspozuar nga i njëjti rrezik për të bërë vetëvrasje,” – sqaron për median pedagogu Timo Partonen.
Sot nga ana sociale është më e pranueshme për finlandezët, për të folur për problemet e tyre.
Tani është më e lehtë për të folur nëse ndihesh për shembull në një fazë depresioni, është gjithashtu më e lehtë për t’u kuruar dhe të marrësh trajtimin e duhur.
