Sekretari i Grupit Parlamentar të Partisë Demokratike, Arbri Agolli ka reaguar së fundmi në lidhje me politikanin shqiptar që është i përfshirë në skandalin e “Pandora Papers”.
Ai i ka bërë thirrje Prokurorisë që të ndjek paranë pasi sipas tij do arrij që të zbulojë “peshqit e mëdhenj. Sipas tij në Tiranë nuk është shumë e vështirë për t’u zbuluar, mjafton të ndjekësh kush ka makinat e shtrenjta, kush i blenë apartamentet me qindra mijëra euro në mes të kryeqytetit etj.
“Nuk do shpikje për të gjetur politikanët shqiptarë, të lidhur ngushtësisht me krimin dhe drogën. Mjafton në Tiranë të ndiqet paraja, të ndiqen makinat e shtrenjta, kush i blen apartamentet me qindra mijëra euro në mes të Tiranës. Nuk ka vullnet, besoj unë.
PD, një nga elementët që ka në fokus, është presioni me mjete demokratike, që Prokuroria të investigojë dhe të vendosë para ligjit ata individë që në këto 30 vite kanë abuzuar me pronën publike, me të ardhurat që vijnë si rezultat i punës së shqiptarëve. Në këtë mënyrë, PD inkurajon Prokurorinë që të ndjekë paranë dhe pa diskutim që do të dalin ata që ambasadori Lu i cilësonte si ‘peshqit e mëdhenj’”, u shpreh Arbri Agolli në “Opinion”.
Ai ka komentuar ndër të tjera edhe krizën energjetike në vendin tonë dhe sipas tij është e pafalshme që kryeministri i vendit del e përhap panik tek qytetarët duke iu thënë se po vjen një valë e tretë e fatkeqësisë.
“Është e pafalshme që një kryeministër të dalë e të krijojë panik, duke thënë se po vjen vala e tretë e fatkeqësisë. Nuk besoj që Shqipëria, me gjithë këto mundësi, të kalojë në një situatë të tillë. Edhe realiste të ishte, ka mënyra e mënyra për ta thënë. Nuk ka shqiptar, i varfër apo i varfër qoftë, që nuk do të ndjejë efektet e rritjes së çmimit të energjisë elektrike, sepse çdo sektor i shoqërisë sot është i prekur direkt nga energjia. Po ashtu, shqiptarët do të ndjenjë edhe efektin negativ të rritjes së çmimit të karburantit. Jemi koshientë që ka prirje të rriten çmimet në Evropë, por nuk ka asnjë akt nga qeveria jonë që të favorizojë biznesin shqiptar.
Jemi vendi i vetëm në Evropë që kemi çmimin më të lartë të naftës. PD ka bërë publike disa nga masat, që i gjykon të nevojshme për t’u ndërmarrë në këtë moment, ku në thelb ngelet filozofia e PD për taksat e ulëta, duke ulur TVSH, taksën e karburantit, duke menaxhuar mirë sektorin e energjisë elektrike. Nga të dhënat e deritanishme është evident faktori i korrupsionit të lartë”, tha Agalliu.
