Policia zbardh plagosjen në lagjen “5 Maji”, në kërkim autori vëllai i grabitësit që plagosi çiftin Laze në Janar

Policia e Shtetit ka arritur të zbardhë ngjajren e ndodhur mbrëmjen e sotme në lagjen “5 Maji” në Tiranë.

Në njoftimin e policisë thuhet se plagosja ka ndodhur pas një konflikti të çastit, për motive të dobëta mes dy të rinjve. Autori i ngjarjes i identifikuar si Kevin Cungu ka plagosur në këmbë me armë zjarri pistoletë mikun e tij shtetasin  Rexhep Xhekja 30-vjeç.

Mësohet se ngjarja ka ndodhur pas një konflikti në lokal dhe më pas ata  kanë dalë jashtë për t’u sqaruar.Debati mes tyre është përshkallëzuar deri në përdorimin e armës nga ana e Cungut, i cili ka qëlluar Xhekjan me një plumb në këmbë.

Xhekja ndodhet jashtë rrezikut për jetën, ndërkohë Kevin Cungu është vëllai i Markeljan Cungut, autorit të mbi 500 vjedhjeve dhe grabitjeve dhe i shoqëruar disa herë në komisariatet e Policisë.

Tani të dy vëllezërit janë janë në kërkim. Pasi më 19 janar të këtij viti Markeljan Cungu bashkë me Fatjon Mërtënikajn hynë për të grabitur banesën e Petrit Lazese tek rruga ”Njazi Meka”, por pasi u pikasën plagosën pronarin e shtëpisë bashkë me gruan e tij, Afërdita Lazen.

Njoftimi I policisë 

Tiranë

Policia identifikon autorin e dyshuar të plagosjes me armë të 30-vjeçarit.

Vijon krehja e zonës për kapjen e tij.

Shërbimet e Policisë kanë shkuar menjëherë në vendngjarje dhe falë veprimeve të shpejta kanë bërë identifikimin e autorit të dyshuar.

Policia ka rrethuar zonën dhe vijon krehja e saj për kapjen e autorit, i cili menjeherë pas plagosjes është larguar nga vendngjarja. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do ti shërbejë hetimit dhe dokumentimit të plotë të ngjarjes.