Me përfundimin e “shtetrrethimit” që zgjati nga e premtja deri të dielën, qeveria vendosi të lejojë lëvizjen e automjeteve vetëm në disa orare, ku ndër të tjera lejohet lëvizja e automjeteve nga ora 06:00 deri në orën 08:00 të mëngjesit dhe 16:00 deri në 17:00 pasdite.
Zbardhet vendimi: Oraret, mjetet dhe personat që lejohet të qarkullojnë duke filluar nga nesër
Mirëpo, duket se ka ndodhur një keqkuptim me qytetarët pasi Policia e Shtetit është detyruar të sqarojë përsëri se këto orare janë vetëm për punonjësit e ndërmarrjeve prodhuese, dhe jo për lëvizje të lirë.
Sipas njoftimi të policisë të gjithë pronarët e bizneseve prodhuese apo ata që ofrojnë shërbime për qytetarët, të cilët duan të akreditojnë automjetet për lëvizje personeli apo mallra brenda qarkut, të mos dërgojnë email në adresën [email protected] dhe as të mos telefonojnë në dy numrat e dedikuar, por t’i drejtohen Sektorit të Policisë Rrugore të qarkut ku kanë vendbanimin dhe ushtrojnë aktivitetin e tyre.
Ndërsa, për urgjenca mjekësore, duhet të telefonini në numrin 129/112 dhe në dy numrat e dedikuar, duke bërë prezent problemin për lëvizjen që kërkoni.
Punonjësit e Policisë së Shtetit, ata të Policisë së Burgjeve, të SHPSF-ve, personeli shëndetësor dhe gazetarët lejohen të qarkullojnë në oraret e ndërrimit të turneve, duke patur me vete dokumentim e lëshuar nga institucioni ku punojnë.
https://www.facebook.com/1502420603377639/posts/2695598197393201/?substory_index=0
Në rang botëror deri tani janë shënuar 6,687 viktima dhe janë regjistruar 174,940 të infektuar në 162 shtete, ndërsa në vendin tonë deri tani ka humbur jetën 1 person dhe janë infektuar 51 të tjerë, teksa në Kosovë janë 15 persona të infektuar me COVID-19.
Autoritetet shëndetësore bëjnë thirrje që personat të cilët mund të kenë qenë të ekspozuar ndaj individëve të dyshuar për COVID-19, duhet që të vetëkarantinohen dhe të monitorojnë shëndetin e tyre për 14 ditë, që nga dita e fundit me kontaktin e mundshëm.
Po ashtu, ata duhet të kërkojnë mbikëqyrje të menjëhershme mjekësore, nëse paraqesin ndonjë nga simptomat, veçanërisht temperaturë, simptoma respiratore si kollë dhe vështirësi në frymëmarrje apo diarre menjëherë të kontaktojnë 127.
Të gjithë qytetarët rekomandohet që të shmangin daljet në publik dhe të qëndrojnë në shtëpi duke respektuar rregullat e higjenës.
