Policia e Tiranës ka ushtruar kontrolle në zonën e Zallherrit dhe ka goditur dy raste të tentativës së kultivimit të kanabisit.
Gjatë kontrolleve në një zonë të pyllëzuar në fshatin Zgurë, u gjetën të mbjella 30 bimë të dyshuara narkotike cannabis sativa.
Sipas njoftimit bëhet me dije se dhe gjatë kontrollit të ushtruar në fshatin “Zgurë”, në vendin e quajtur “Bujen” konstatuan një ambient të hapur, në një terren malor të pyllëzuar, ku u gjetën të mbjella 98 bimë të dyshuara narkotike cannabis sativa.
Njoftimi i plotë i policisë
Evidentohen dhe goditen dy raste të tentativës për kultivim të bimëve narkotike. Në zbatim të Planit të Veprimit “Për parandalimin dhe goditjen e veprimtarisë kriminale të kultivimit të bimëve narkotike për vitin 2020”, në një sipërfaqe të dyshuar të mbjellë me cannabis sativa, menjëherë shërbimet e Komisariatit të Policisë Nr. 4 organizuan punën dhe gjatë kontrollit të ushtruar në fshatin “Zgurë”, në vendin e quajtur “Bujen” konstatuan një ambient të hapur, në një terren malor të pyllëzuar, ku u gjetën të mbjella 98 bimë të dyshuara narkotike cannabis sativa.
Po gjatë kontrollit të ushtruar në Zallherr, në një zonë të pyllëzuar në fshatin Zgurë, u gjetën të mbjella 30 bimë të dyshuara narkotike cannabis sativa. Ndërkohë vijon puna për identifikimin dhe kapjen e autorëve. Materialet i kaluan Prokurorisë së Rrethit Gjyqësor Tiranë, për veprime të mëtejshme”.
Prej ditësh forcat e rendit po zhvillojnë kontrolle në zona të pyllëzuara dhe banesa për zbulimin e kutivimit të kanabisit. Si nga ministri i Brendshëm dhe drejtori i Policisë është thënë se këtë vit lufta me kultivimin e hashashit do jetë më e madhe dhe nuk do të tolerohet askush, por nga ana tjetër raportohet se në shumë zona kanabisi po lulëzon.
