Vihet sërish në dyshim aftësa e policisë së shtetit, pas ngjarjes së fundit të ndodhur në kryeqytet, ku një vajzë e re u godit paturpësisht nga një efektive policie në mungesë të maskës.
Kur vjen puna tek qyetarët e thjeshtë, apo shkeljet e ‘lejueshme’ të ligjit, shteti e tregon fytyrën e vërtet me egërsinë e panevojshme .
Në një video të filmuar rastësist nga një kalimtar në zonë mjaft të populluar të Tiranës, shihet qartë arroganca dhe vrazhdësia e efektives teksa e qëllon me pëllëmbë në mes të bisedës.
Të injektuar ndoshta dhe nga vetë sjellja politike dhe publike e kryeministrit Edi Rama, nuk është hera e parë që policia përfiton nga uniforma e veshur duke e shkelur ligjin me të dyja këmbët.
Kujtojmë se ky nuk është as i pari e i fundit rast. Në të gdhirë të tetë dhejtorit, për herë të parë në histroinë demokratike të vendit tonë, qëllohet me armë një i ri teksa kthehej në shtëpi dhe për më tepër i paarmatosur.
Sa i përket ligjeve , në asnjë rregullore nuk i jepet e drejta një polici të qëllojë për vdekje një qytetar të parmatosur, i cili nuk përbën as rrezik në atë moment.
Prej shumë kohësh, arbitrariteti, arroganca , brutaliteti dhe shpërdorimi deri në ekstrem i shërbimit policor, sa vjen e bëhet më i dukshëm.
Edhe pse Rama u mundua të fshihte “fajtorin”, shkarkimi i ministrave, siç ishte i fundit, Sandër Lleshaj, nuk po i jep zgjidhje ngërçit policor.
Mungesa e trajnimeve, pagat e ulta, harresa që qeveria ka bërë me Policinë e Shtetit, mungesa e përzgjedhjes sipas meritës brenda një kufiri moshe, mund të jenë dhe faktorët e tjerë të sjelljes së pashpjegueshme të efektivëve policor.
Nisur dhe nga slogani, a është kjo policia që duam , apo ajo që do vetë Rama?!
