Ditën e sotme ish kryeministri, Sali Berisha e ka quajtur skandal të rëndë, shoqërimin e kryeministrit, Edi Rama nga policia gjermane pas një incidenti të ndodhur në bordin e avionit, ku priste të nisej për në SHBA.
Berisha tha se Rama ishte një person problematik në udhëtime dhe se ishte shoqëruar nga policia gjermane siç nuk kishte ndodhur kurrë më parë me një kryeministër.
Postimi i Plotë nga ish kryeministri, Sali Berisha:
Skandal tjeter i rende i Edi Rames.
Shoqerohet nga policia gjermane si person problematik ne udhetim!
Revista me e madhe gjermane informon se policia gjermane si kurre ndonje here ndonje kryeminister shoqeroi Edi Ramen! sb
Kujtojmë se kryeministri Edi Rama është përfshirë në një ngjarje skandaloze në Gjermani, gjatë kohës që udhëtoi nga Frankfurti drejt New York-ut.Der Spiegel raporton se Rama është shoqëruar nga policia pasi nuk ka ka pranuar të vendosë maskën anti-covid. Gjithçka ka ndodhur në bordin e avionit të Lufthansa gjatë muajit dhjetor.
Pasagjerët që kanë qenë dëshmitarë të ngjarjes, rrëfejnë se kreu i qeverisë refuzoi me forcë mbajtjen e maskës mbrojtëse saqë ekuipazhi është detyruar të thërrasë kapitenin për ndihmë. Megjithatë, duke qenë se ai gjithashtu nuk ishte në gjendje të bindte kreun e qeverisë shqiptare për të mbajtur maskën FFP2, ndërhyri policia federale dhe bëri shoqërimin e kryeministrit shqiptar.
