Drejtoria e Policisë së Shkodrës njoftuar që për shkak të motit të keq me reshje shiu dhe dëborë duhet që drejtuesit e makinave të bëjnë kujdes.
Në qytetin e Shkodrës reshjet e dëborës po vijojnë pa ndërprerje dhe një makinë është bllokuar në rrugën Theth-Bogë.
Në akset rrugore Tamarë – Selcë – Vermosh; Bogë – Qafë, Thorë – Theth dhe Pukë – Fushë Arëz – Qafë Mali ka prezencë të dëborës dhe borëpastrueset ndodhet në terren e po pastrojnë rrugët dhe po shpërndarjnë kripën.
Policia Rrugore apelon për drejtuesit e automjeteve që të kenë kujdes në rrugë, të respektojnë sinjalet e trafikut, të ngadalësojnë shpejtësinë, të përdorin zinxhirë dhe goma dimërore, si dhe të ndjekin udhëzimet e shërbimeve të Policisë Rrugore.
Në rast nevoje, ata duhet të kontaktojnë në numrin 112.
