Policia e Korçës ka finalizuar me suksese operacionin e koduar “Radaneci 2021”, arrestohen dy persona të akuzuar për vrasje. Mësohet se dy personat e arrestuar janë Orgel Xhambazi 24 vjeç dhe Medi Ganolli 32 vjeç, pasi rreth një viti më parë në bashkëpunim me shtetasin Romarjo Tahiri, i cili është arrestuar më herët nga policia greke, kanë vrarë me thikë në Selanik të Greqisë një 43-vjeçar nga Korça.
Gjykata e Rrethit Gjyqësor Korçë ka caktuar ndaj tyre masën e sigurisë “Arrest në burg” për veprën penale “Vrasja me dashje” kryer në bashkëpunim. Materialet i kanë kaluar pranë Gjykatës së Shkallës së Parë Korçë, për veprime të mëtejshme. Autorësia e dy bashkëpunëtoreve është e dokumentuar me prova.
Njoftimi i plotë i policisë:
Vijon puna hetimore nga strukturat e Policisë së Shtetit, për zbardhjen e ngjarjeve kriminale kundër personit. Finalizohet pas një hetimi disamujor, operacioni policor i koduar “Radaneci 2021”.
Dokumentohet me prova ligjore autorësia edhe e dy bashkëpunëtoreve të tjerë të ngjarjes së ndodhur 1 vit më parë në Selanik, Greqi, ku mbeti i vrarë një 43-vjeçar nga Korça. Për këtë ngjarje është arrestuar më parë nga autoritetet policore greke, shtetasi R. T.
Operacioni i kryer nga strukturat policore të DVP Korçë, me mbështetjen e Drejtorisë së Përgjithshme të Policisë së Shtetit, nën drejtimin e Prokurorisë së Rrethit Gjyqësor Korçë.
Vihen në pranga 2 nga autorët e dyshuar të ngjarjes.
Strukturat policore në DVP Korçë, me mbështetjen e strukturave hetimore të Drejtorisë së Përgjithshme të Policisë së Shtetit, nën drejtimin e Prokurorisë Korçë, në vijim të hetimeve disamujore të kryera për dokumentimin me prova ligjore të ngjarjes së ndodhur më datë 18.05.2020, në Selanik, Greqi, ku pas një konflikti të çastit mbeti i vrarë 43-vjeçari S. D., nga Korça, finalizuan operacionin policor të koduar “Radaneci 2021”, si rezultat i të cilit u bë kapja dhe ndalimi i shtetasve O. Xh., 24 vjeç dhe M. G., 32 vjeç, banues në Korçë (të dy të dënuar më parë për vjedhje). Këta shtetas, në bashkëpunim mes tyre, pas një konflikti të çastit, kanë vrarë me mjet të mprehtë (thikë), në Selanik, shtetasin S. D.
Gjykata e Rrethit Gjyqësor Korçë ka caktuar ndaj tyre masën e sigurisë “Arrest në burg” për veprën penale “Vrasja me dashje” kryer në bashkëpunim. Materialet në ngarkim të tyre i kaluan Prokurorisë pranë Gjykatës së Shkallës së Parë Korçë, për veprime të mëtejshme.
