Zyrat e Frymës së Re Demokratike janë ‘vizituar’ditën e sotme nga Policia Bashkiake e Tiranës e cila ka kërkuar lirimin e tyre. Mësohet se policia ka vendosur në derën kryesore të selisë së FRD një shënim ku kërkohet “lirimi i menjëhershëm i ambienteve për qëllime sistemimi”.
Zyra e FRD ndodhet në katin e tretë të ndërtesës dhe Policia Bashkiake e Tiranës shpjegon në një letës drejtuar kreut të partisë, Sali Shehu se duhen bërë ndërhyrje me qëllim mirëmbajtjen pasi hapësira është në pronësi të bashkisë. Në njoftimin e Policisë Bashkiake thuhet se në godinë do bëhen ndërhyrje për sistemim të zyrave për njësitë administrative dhe ka kërkuar që stafi i FRD të lërë ambientet në katin e tretë Brenda 10 ditëve nga marrja e njoftimit.
Fryma e Re Demokratike është tashmë prej disa vitesh e vendosur në ish-selinë e Partisë Demokratike në zonën e pedonales së Tiranës, pasi PD u zhvendos në një ambient tjetër.
Po ashtu bëhet me dije se në zyrat e FRD është ndërprerë edhe energjia elektrike, ndërsa ky vendim vjen pasi partia vendosi të bashkohej në koalicion me Lulzim Bashën.
Kujtojmë që pak ditë më parë nga drejtimi i partisë dha dorëheqjen Bamir Topi dhe tashmë kryetar i FRD është Sali Shehu.
