Një 33-vjeçar është arrestuar nga autoritetet e Policisë së Lezhës ditën e sotme pasi po transportonte 12 emigrantë të paligjshëm. Në bazë të informacioneve të marra në rrugë policore se me një automjet furgon tip “Benz” po transportoheshin klandestinë drejt Kosovës, menjëherë Forcat e Policisë organizuan punën për lokalizimin dhe ndalimin e mjetit.
Shtetasi I. N. është kapur në kushtet e flagrancës, nga shërbimet e Njësisë së Autostradës Milot-Morinë, në Skuraj, Kurbin, duke transportuar me automjetin furgon tip “Benz”, 12 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës.
Njoftimi i plotë i policisë:
Sipas informacioneve zyrtare, shërbimet e Njësisë Operacionale të Autostradës Milot-Morinë, në bashkëpunim me strukturat e DVP Lezhë, pas informacioneve të marra në rrugë policore se me një automjet furgon tip “Benz” po transportoheshin klandestinë drejt Kosovës, organizuan punën për lokalizimin dhe ndalimin e mjetit.
Si rezultat u bë arrestimi në flagrancë i shtetasit -I. N., 33 vjeç, banues në Fushë Krujë.
Shtetasi I. N. është kapur në kushtet e flagrancës, nga shërbimet e Njësisë së Autostradës Milot-Morinë, në Skuraj, Kurbin, duke transportuar me automjetin furgon tip “Benz”, 12 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës.
E këtu kujtojmë se nuk janë të paktat rastet kur janë kapur veprimtari të tilla duke transportuar emigrantë të paligjshëm. Forcat e Policisë vazhdojnë ende me kontrollinj e tyre për kapjen e personave që ushtrojnë vepra të tilla penale dhe për të bërë të mundur parandalimin dhe evidentimin e rasteve të tilla.
