Një tjetër punëtor ndërtimi dëmtohet në vendin e punës ditën e sotme.
Mësohet se një 46-vjeçar me iniciale E.D ka rënë nga skela e një pallati në ndërtim në fshatin Tushemisht të Pogradecit, duke pësuar dëmtime të mëdha në trup. Punëtori është dërguar me urgjencë drejt spitalit të Traumës për mjekim të specializuar.
Policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të ngjarjes.
Ndërkohë kujtojmë se ky është punonjësi i tretë brenda dy ditëve që dëmtohet në vendin e punës. Pasi ditën e djeshme humbën jetën dy persona, një 35-vjeçar në Kamëz që u kap nga makineria e fabrikës dhe një 56-vjeçar në Tiranë që ra nga lartësia e kantierit të ndërtimit ku po punonte.
