Kontrollet dhe aksionet e ndryshme po vazhdojnë nga forcat e policisë nga ku po bëjnë të mundur dhe arrestimin e personave të cilët kanë kryer vepra penale të ndryshme.
Një sasi droge prej rreth 45 kg është sekuestruar ditën e sotme nga autoritetet e policisë në kufirin greko-shqiptar. Mediet fqinje raportojnë se operacioni është kryer nga policia greke në Kostur.
Gjatë aksionit dhe kontrolleve të kryera nga autoritetet e policisë, janë ndaluar tre shqiptarë, të cilët kishin tentuar të kalonin kufirin në këmbë dhe ndërkohë mbanin në krah 3 çanta të mbushura plotë me drogë.
Të arrestuar janë tre shtetas me origjinë shqiptare. Ata u kapën në flagrancë me dy çanta të mëdha me lëndën narkotike në krahë.
Shqiptarët e arrestuar ishin të moshës 26 vjeç, dhe 27 vjeç, ndërsa policia ka sekuestruar edhe 350 euro, 24.200 lekë te reja shqiptare dhe 4 celulare me 4 karta SIM. Ndaj këtij të fundit u konstatua se ishte në fuqi edhe masa e ndalimit të hyrjes në kufijtë e zonës Shengen. Tre të arrestuarit tashmë do të dërgohen në gjykatë për masë sigurie, ndërsa hetimet do të vazhdohen prej Departamentit të Anti Drogës së Kosturit, për tw bërëw të mundur zbardhjen e gjithë skemës të trafikimit të lëndëve narkotike që kryhej prej grupit.
