Një ngjarje e rëndë ka ndodhur në Tiranë, ku një grua 33 vjeçare e frikësuar nga bashkëshorti i saj, është hedhur nga nga kati i dytë i banesës.
Deklaratat zyrtare të policisë bëjnë me dije se bashkëshorti ushtronte dhunë fizike ndaj gruas së tij.
Ngjarja ka ndodhur në rrugën “Memo Meto”. Burime zyrtare nga policia bënë me dije se në pranga ka rënë shtetasi me inicialet E. M., 33 vjeç.
Raportohet se 33 vjeçarja ndodhet në spital, nën kujdesin e mjekëve.
Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. M., 33 vjeç, pasi në rrugën “Memo Meto”, në banesë, ka ushtruar dhunë fizike ndaj bashkëshortes, e cila është ndjerë e frikësuar dhe është hedhur nga kati i dytë i banesës. Aktualisht kjo shtetase ndodhet në spital, nën kujdesin e mjekëve.”, thuhet në njoftimin e policisë.
Përmdnim se kjo nuk ështtë një rast i vetëm kur për që gratë janë detyruar të hidhen nga katet e larta të banesave, si “arratisje” ndaj dhunës fizike ose psiologjike të ushtruar ndaj tyre.
Dhuna me bazë gjinore është e ndeshur masivisht në Shqipëri, e cila është bërë edhe shkak i vetëvrasjeve në forma nga më të ndryshmet.
Në disa raste dhuna që ushtrohet ndaj grave kryesisht nga bashkëshortët e tyre ka kaluar deri në ekstrimitet, duke sjellur viktima.
