Një ngjarje e paprecedentë ka ndodhur ditën e sotme në Vlorë.
Një person ka mbetur i plagosur me armë zjarri në qytetin e Vlorës. Ngjarja ka ndodhur në lagjen “Pavarësia 3” në Vlorë, te Kombinati i Peshkut, ku sipas burimeve për “BalkanWeb” është plagosur në rrethana ende të paqarta me armë zjarri shtetasi Tonin Ramaj i cili është transportuar në spital jashtë rrezikut për jetën.
I plagosuri Tonin Ramaj mësohet se ka marrë plumb në këmbë. Policia ndodhet në vendin e ngjarjes dhe ka rrethuar zonën. Bëhet e ditur se i riu është qëlluar sapo ka dalë nga banesa e tij. Autori i dyshuar pasi ka qëlluar është larguar në këmbë, por ende nuk dihet shkaqet e kësaj ngjarjeje. I plagosuri ka marrë plagë në këmbë, por pa pasojë për jetën. Ndërkohë në rrugët hyrëse dhe dalëse janë vendosur patrulla të policisë. Një prej dëshmitarëve në vendngjarje shprehet se ka dëgjuar 3 apo 4 të shtëna, ndërkohë që sherri fillimisht ka ndodhur brenda në lokal, ndërsa jashtë është qëlluar më pas me armë.
Vlen të theksojmë se gjatë këtij viti një sërë ngjarjesh kriminale kanë tronditur vendin tonë, ku një pjesë prej tyre akoma nuk janë zbardhur dhe autorët ende janë të lirë rrugëve.
