Një plagosje me armë zjarri ka ndodhur gjatë mbrëmjes së sotme në qytetin e Beratit. Ngjarja ka ndodhur pas një sherri në një lokal në Berat, ndërsa mësohet se i plagosur ka mbetur një punonjës policie. Gjithashtu bëhet me dije se ngjarja ka ndodhur brenda një lokali në lagjen “Dëshmorët e Kombit” pas një konflikti të çastit.
Efektivi i policisë është plagosur J.Xh është plagosur në këmbë . Ai kishte shkuar në lokal për një kontroll e për të shuar një konflikt mes dy familjeve në Berat. Efektivi i policisë ka shkuar në lokal pasi në sallën operative ka mbërritur një telefonatë për një koflikt mes dy familjeve fqinje. Pasi morën njoftimin në vendngjarje ka shkuar një patrullë me katër policë, por janë sulmuar sapo kanë mbërritur.
Njoftimi i policise:
Sot rreth orës 20:20, ka ardhur një telefonatë në Sallën Operative se në lagjen “Dëshmorët e Kombit” shtetasit G.M., M.M. dhe A.M (vëllezër) po konfliktoheshin me shtetasit A.M dhe bashkëshorten e tij shtetasen O.M .
Menjëherë në vendngjarje kanë shkuar shërbimet e Policisë ku kanë ndërhyrë për shuarjen e konfliktit.
Në momentin e ndërhyrjes së shërbimeve të Policisë, tre vëllezërit kanë dhunuar, goditur dhe kanë tentuar ti marrin armën e shërbimit njërit prej punonjësve të policisë dhe gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë J.Xh, i cili ndodhet në Spitalin Rajonal Berat, nën kujdesin e mjekëve.
Nga shërbimet e policisë është bërë, neutralizimi dhe shoqërimi i personave në konflikt dhe është siguruar vendi ngjarjes.
Është krijuar menjëherë një grup i posaçëm hetimor dhe nën drejtimin e Prokurorisë së Rrethit Gjyqësor Berat, vijon puna intensive për sqarimin e plotë të rrethanave të ngjarjes.
