Zëvendës ministri i shëndetësisë, Albert Nikolla ka deklaruar se qeveria po përgatit një plan rimëkëmbjeje të gatshme për vitin 2021.
Gjatë një interviste në një emision, Nikolla u shpreh se në dispozicion të planit të rimëkëmbjes, do të 5 mld euro të cilat do të vijnë përmes donatorëve, nga buxheti shtetëror dhe nga Komisioni Europian.
Bdërkohë bëhet me dije se ky fond parash do të përdoret për të ngritur struktura të ndihmës sociale si dhe për të sheshuar sadopak impaktin që ka krijuar koronavirusi.
“Në fillim të vitit 2021 do të kemi një plan të rimëkëmbjes. Qeveria ka insistuar se vendimet që merr Ministria janë të përputhura me gjykimin e komitetit teknik. Komisioni europian, donatorët dhe buxheti i shtetit. Do krijojmë ndërmarrje sociale. Të kemi regjistër elektronik. Ne kemi organizuar trajnime profesionale. Ne ju bëjmë thirrje personave që të mos ndërmarrin azil politik në vende europiane. Të gjithë personat që kthehen në Shqipëri të mos largohen.
Qeveria socialiste shkon në mandatin e tretë me punë. Në vitin e fundit shohim katastrofat që kanë prekur vendin, tërmetin, koronavirusi si dhe protestat e opozitës që ndikojnë shumë dhe tek të huajt. Unë besoj që Topalli do të ketë një elektorat më të mirë. Personat e tjerë kanë dëshmuar që nuk e dinë shumë mirë njohje politike” – tha Nikolla.
Gjithashtu edhe për situatën e krijuar nga Covid-19 në Shqipëri, zëvendës ministri i Shëndetësisë, Albert Nikolla, deklaroi se vendimi për mbajtjen e detyrueshme të maskave ishte një hap i domosdoshëm nga ana e qeverisë shqiptare, për të shmangur mbylljen e dytë.
“Varfëria është një problem i të gjithë botës e jo vetëm Shqipërisë. Është diçka që shoqëron shoqërinë njerëzore. Nuk mendoj se është numri total i të varfërve por qasja e qeverisë ndaj tyre. Çfarë ka bërë qeveria për to.
Një nga hapat që ka marrë qeveria, shërbimi social shtetëror pati një fushatë të jashtëzakonshëm për shpërndarjen e ndihmave gjatë periudhës së karantinës. Unë doja tu sqaroja që çështja COVID ka dy impakte.
Sociale dhe shëndetësore. Impakti i VKM për mbajtjen e maskave do të ketë impakt për të shmangur izolimin. Nuk do të ketë një izolim të dytë. Nuk kemi një rritje drastike, galopante për numrin e viktimave.
Është një këshill teknik që ndjek situtën epidemiologjike. Kemi bërë një trajnim që kishte të bënte me COVID. Kemi një përvojë të mirë. Në rast se do të përballemi me një situatë të rënduar do jemi të përgatitur”, është shprehur Nikolla./GazetaReforma.com/
