Një ngjarje e rëndë është regjistruar mbrëmjen e sotme në qytetin e Sarandës ku ka ndodhur një plagosje dhe është qëlluar një person me mjet prerës thikë.
Sipas informacioneve të marra mësohet se 20-vjeçari Aurel Shino, ishte një punonjës parkimi në një kompleks turistik, i cili është paraqitur në spital me plagë të shkaktuara nga një thikë në anën e majtë poshtë brinjëve. Konflikti sipas raportimeve mësohet se ka ndodhur jashtë vendit të punës, në rrugën “Turizëm-Kanali i Çukës”. Edhe pse i plagosur, ai ka tentuar të shkojë me mjetin e punës për në spital, por nga plagët e marra, nuk ka mundur të arrijë në ambientet e spitalit për të marrë trajtimin por është ndalur rreth 1 km nga vendi ku ndodhi konflikti. Aty, ai është marrë nga një makinë e rastit, që e ka dërguar menjëherë për në urgjencë.
20 – vjeçari tashmë ndodhet në ambientet e spitalit ku po merr dhe trajtim të specializuar mjekësor. Ende nuk dihen informacionet e plota për gjëndjen shëndetësore të tij por ndodhet nën kujdesin e stafit mjekësor. Policia ndërkohë është vënë në dijeni për ngjarjen e ndodhur dhe mënjëherë ka nisur hetimet për të zbuluar arsyet e plota dhe rrethanat e vërteta të ngjarjes që ka ndodhur.
