Një konflikt mes dy adoleshentëve ka përfunduar me plagosjen e njërës palë në fshatin Pirg të bashkisë Maliq. Të rinjtë, njëri nga fshati Zvirinë dhe tjetri nga fshati Leminot, janë përfshirë në një debat që ka degjeneruar në përdorimin e një mjeti prerës.
Si pasojë e goditjes me thikë, një prej të rinjve ka mbetur i plagosur dhe është transportuar menjëherë në spitalin rajonal të Korçës, ku po merr trajtim mjekësor.
Policia ka identifikuar dhe shoqëruar në komisariat autorin e dyshuar të plagosjes, ndërsa forcat hetimore ndodhen në vendngjarje për të sqaruar plotësisht rrethanat e ngjarjes.
