Rreth orës 11:20, Komisariati i Policisë në Vau i Dejës mori një telefonatë nga një qytetar, i cili raportoi se ishte plagosur në një stan në “Fushën e Liqenit,” fshati Shllak.
Pas verifikimeve, rezultoi se shtetasi F. D., i dyshuar me probleme të shëndetit mendor, nuk kishte pësuar plagë, por ishte në gjendje kritike për shkak të temperaturave të ulëta, duke përjetuar ngrirje të gjymtyrëve.
Ai kishte kërkuar ndihmë për t’u përballuar me situatën.
Për shkak të terrenit të vështirë në malin e Cukalit, policia po e transportonte atë me këmbë deri te autoambulanca, e cila kishte mbërritur pranë vendngjarjes.
Aktualisht, ai është jashtë rrezikut për jetën dhe po merr ndihmën e nevojshme mjekësore.
