Xhaxhai i 17-vjeçarit që u plagos me thikë në Cakran, Bexhet Xhafaj, thotë se rrjeti social si Tiktok duhet të mbyllet dhe celulari nuk duhet të lejohet në orë të mësimit.
“Gjej rastin të falenderoj të gjithë personat që na kanë ndihmuar nga spitali te shkolla te mësuesja. Jam shumë dakord për mbylljen e Tiktok dhe këto të mbyllen. Mos të lejohen më telefona në orë të mësimit. Duhen masa më të shtuara. Kontrolli te klasa është bërë një ditë më përpara, e ka shprehur dhe vetë djali. Sot në momentin që kanë hyrë në shkollë, ka ndodhur ajo që ndodhur. Të forcohen kontrollet, autoriteti i mësuesit ka humbur, është zero, kjo është vërteta“-shprehet ai.
Ngjarja ka ndodhur pas një konflikti mes dy nxënësve, që kishte nisur një natë më parë për shkak të një postimi në rrjetin social Snapchat.
Autori i dyshuar i ngjarjes, i cili është identifikuar nga policia, ka pranuar se debati ka shpërthyer sapo ata kanë hyrë në oborrin e shkollës. Pas një shkëmbimi fjalësh, situata ka agravuar në dhunë fizike, duke çuar në përdorimin e thikës nga njëri prej të rinjve.
