Pak ditë më parë një ngjarje e rëndë u shënua në Tiranë ku një person plagosi me armë zjarri një punonjës të Inspektoriatit të Territorit, për shkak të detyrës. Inspektori i IMT kishte shkuar për t’i shembur shtëpinë, por ka hasur në kundërshtinë e pronarit, i cili e plagosi me armë zjarri më pas. Ai u arrestua më pas nga policia e shtetit. Qani Muça ishte 55-vjeçari që plagosi me armë zjarri tre ditë më parë punonjësin e Inspektoratit të Mbrojtjes së Territorit, Ilirjan Gavelli dheka dalë sot para trupit gjykues për t’u njohur me masën e sigurisë.
Muça qëlloi mbi Gavellin, teksa ky i fundit ishte duke monitoruar aksionin për shembjen e banesës së 55-vjeçarit.
“Unë instiktivisht jam hedhur dhe ja kam kapur pasi isha në distancë 2-3 metra larg tij. Në momentin që i kam kapur armën, ai e ka shkrepur dhe kam ndjerë që plumbi më preku në pjesën e barkut. Kam vazhduar të përleshem me të për t’i hequr pistoletën, por mesa mbaj mend pistoleta ka shkrepur për herë të dytë, ndërsa unë vazhdoja ta mbaja të bllokuar nga duart”, dëshmoi punonjësi i IMT-së në polici.
Ndërkohë prokuroria ka formuluar për Muçën dy akuza pas ngjarjes së rëndë, ato për “vrasje ndaj funksionarëve publike” mbetur në tentativë dhe “armëmbajtje pa leje”.
