Një konflikt mes fqinjësh në fshatin Gosë të Kavajës ka përfunduar me dy të plagosur nga armë zjarri.
Policia njoftoi se ka arrestuar autorin e dyshuar të ngjarjes, një 56-vjeçar me inicialet Sh.O., i cili akuzohet se ka qëlluar me pistoletë drejt dy komshinjve të tij, shtetasit S.D. dhe N.D.
Sipas të dhënave zyrtare, ngjarja ka ndodhur pas një përplasjeje për motive të dobëta. Pas hetimeve të kryera, uniformat blu kanë zbuluar armën e përdorur në një mur të fshehur, e cila është sekuestruar si provë materiale.
Specialistët për Hetimin e Krimeve të Rënda të DVP Durrës bënë arrestimin në flagrancë të 56-vjeçarit, ndërsa materialet hetimore janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës për vijimin e procedurave ligjore.
