Një ngjarje e rëndë ka ndodhur mbrëmjen e sotme në Vlorë, ku një futbollist i ekipit të Flamurtarit është plagosur me thikë nga persona ende të paidentifikuar.
Burime nga vendngjarja bëjnë me dije se viktima është 31-vjeçari Sodiq Atanda, me shtetësi nigeriane. Ai është dërguar me urgjencë në Spitalin Rajonal të Vlorës, pasi ka marrë plagë nga një mjet prerës.
Atanda, i cili luan si mbrojtës për skuadrën bregdetare, më parë ka qenë pjesë e ekipit të Erzenit. Sipas informacioneve paraprake, ngjarja ka ndodhur në rrugë dhe dyshohet se motivi i sulmit ka qenë një grabitje.
Policia ka nisur hetimet për identifikimin dhe kapjen e autorëve të sulmit. Gjendja shëndetësore e futbollistit ende nuk është bërë e ditur.
