Një ngjarje e rëndë ka ndodhur në Sarandë ku dy vëllezër të mitur kanë përfunduar në spital pasi janë plagosur me thikë.
Mësohet se ngjarja e rëndë ka ndodhur në Sarandë këtë mbrëmje. Të miturit janë dërguar në spital dhe ndodhen në gjendje të rëndë shëndetësore.
Ndërkohë burime bëjnë të ditur se 43-vjeçari Ibrahim Duda ka plagosur me thikë 2 vëllezër të mitur.
Duda nuk është një emër i panjohur për policinë. Madje bëhet e ditur se ai ka pak kohë që ka dalë nga burgu, ku ndodhej aty për shkak të një vjedhje të kryer. Gjithashtu ai njihej si përdorues i drogave të forta. Mësohet në të kaluarën ai ka qenë i dënuar për tentativë vrasje dhe për vjedhje e kundërshtim të forcave të policisë.
Ndërkohë, policia ka shpallur në kërkim autorin Ibrahim Duda. Kujtojmë që para disa ditësh Saranda është përgjakur nga një sherr me thikë.
Policia ka dhënë versionin zyrtar të plagosjes së të riut Dino Majko në Sarandë. Uniformat blu, theksuan se ngjarja ka ndodhur në lagjen nr. 1 në qytetin bregdetar, ku Enivled Aliu, ka goditur me thikë të riun Majko.
Policia është vendosur në kërkim për kapjen e autorit. Ndërkohë grupi hetimor ndodhet në vendngjarje dhe po punon për sqarimin e rrethanave të ngjarjes
“Sarandë/Informacion paraprak Në datën 09.04.2022, në lagjen nr.1, Sarandë, shtetasi E. A., ka goditur me mjet prerës (thikë), shtetasin D. M., 29 vjeç, banues në Sarandë , i cili ndodhet në spitalin e Sarandës, nën kujdesin e mjekëve. Shërbimet e Policisë po krehin zonën për të bëre të mundur kapjen e autorit. Grupi hetimor ndodhet në vendngjarje dhe po punon per sqarimin e rrethanave të ngjarjes”, thuhej në njoftimin e policisë.
