Argit Turshila është dënuar me 23 vite burg nga gjykata në Santa Maria Capua Vetere.
Shqiptari akuzohet për vrasjen e biznesmenit italian Pasquale Guarino, në bashkëpunim me persona të tjerë.
Grupi kishte shkuar për të grabitur banesën e biznesmenit italian, por janë ndeshur në rezistencën e tij.
Grupi i grabitësve për një kohë të gjatë iu fsheh drejtësisë italiane. Më 6 tetor të 2017-ës, Gjykata e Santa Maria Capua Vetere, caktoi për të masën e sigurisë “Arrest me burg” për shqiptarin.
Turshila u arrestua në Dibër më 18 mars të 2018-ës në Dibër, pas lëshimit të urdhër-arrestit ndërkombëtar nga drejtësia italiane.
Operacioni për arrestimin e tij u krye në bashkëpunim mes autoriteteve italiane dhe atyre shqiptare.
Përveç dënimit, Turshila duhet të dëmshpërblejë me 100 mijë euro gruan dhe dy djemtë e biznesmenit.
