Detaje të reja bëhet me dije se janë publikuar nga vrasja e 25-vjeçarit Klodian Rasha, nga efektivi i policisë Nevaldo Hajdaraj.
Pas ekspertimit jashtë shtetit të pistoletës së sekuestruar “Zoraki”, nuk është nxjerrë asnjë rezultat konkret, për të mësuar se kujt i përket arma.
Kjo armë u gjet në mënyrë të dyshimtë rreth 100 metra larg vendit ku 25-vjeçari humbi jetën pasi u qëllua nga efektivi i policisë, Nevaldo Hajdaraj.
Bëhet me dije se të paktën përgjatë veprimeve 1 mujore, SHÇBA-ja dhe prokuroria e Tiranës, ende nuk kanë qenë në gjendje që të gjejnë qoftë me gjurmë papilare dhe analizë ADN-je, se kush ka qenë personi i fundit që ka mbajtur pistoletën mesnatën e 8 dhjetorit 2020/ Pistoletë e cila më pas është hedhur në pellgun me ujë, gati 80 metra larg trupit të pajetë të Klodian Rrashës.
Pas këtyre rezultateve, grupi i hetimit ka hequr dorë dhe nga tentativa për të çuar profilet e ADN-së për ekspertim biologjik.
Ndërkohë Prokuroria e Tiranës pritet që të mbyllë hetimet në lidhje me këtë çështje, pasi edhe efektivi Hajdaraj tashmë është dënuar nën akuzën e vrasjes me dashje. Fillimisht ndaj tij pati një akuzë më të butë për “kapërcim të mbrojtjes së nevojshme”, por pas thellimit të hetimeve dhe daljes së videos ku shihej që efektivi kishte qëlluar qëllimisht ndaj Klodian Rashës, akuzat ndaj tij u rënduan.
Kujtojmë se ngjarja e rëndë ndodhi me 8 dhjetor të vitit 2020 dhe solli protesta të dhunshme deri në dorëheqjen e ministrit të Brendshëm, Sandër Lleshaj./Gazetareforma.com/
