Kompania farmaceutike Pfizer po përjeton një situatë kaosi.
Duke dyshuar se një punonjëse e tyre ka vjedhur një numër të madh dokumentesh të besueshme, përfshirë edhe ato të lidhura me vaksinën anti-Covid, kompania ka ngritur padi ndaj saj.
Punonjësja e kompanisë farmaceutike Pfizer, e quajtur Chun Xiao Li ka shkelur marrëveshjen duke cënuar besueshmërinë, nëpërmjet nxjerrjes së mbi mbi 12.000 dokumentash nga datoteka pa pasur miratim dhe duke i futur ato në kompjuterin personal.
Kjo bëhet e ditur në padinë që kompania Pfizer ka deponuar ditën emartë ne gjykatë.
“Për shkak të numrit të madh të dokumenteve që Li ka marrë në mënyrë të paligjshme, Pfizer duhet të jap leje për një gjë të tillë kur bëhet fjalë për dokumente konfidenciale”, thuhet në aktpadinë e kompanisë amerikane. Materialet e vjedhura përfshijnë vlerësime të brendshme dhe rekomandime për vaksinën kundër coronavirusit nga Pfizer dhe BioNtech, si dhe për marrëdhëniet me partnerin gjerman për vaksinë, e për lidhjet me antitrupat sa i përket sëmundjes së kancerit. Nga kompania Pfizer është thënë që Li që ishte asistente e drejtorit për statistikë, në shumë raste ka tentuar të mbulojë gjurmët e asaj çfarë kishte bërë”.
Mësohet se e akuzuara ka refuzuar të përgjigjet ndaj pretendimeve të ngritura. Ajo ka punuar për kompaninë amerikane për 15 vite, ndërsa së fundmi kishte marrë një ofertë nga kompania Xencor Inc, me seli në Kaliforni.
