Kryedemokrati Lulzim Basha, ka reaguar lidhur me grevën që ka filluar ditën e sotme nga punonjësit e AlbControl dhe i bënë thirrje kryeministrit të vendit Edi Rama që të ndalë kërcënimet. Basha ka kërkuar nga Rama që të ndalojë grevën . Ndër të tjera Basha shton se Rama është i vetmi përgjegjës për situatën që ndodhi ditën e sotme në aeroportin e “Rinasit”.
Kryedemokrati thotë se shqiptarët sot duan vetëm ndryshimin dhe shpresën, pas 8 viteve dështime nga qeveria që është në pushtet.
“Rama e di tashmë fare mirë se do të humbasë, prandaj po përdor çdo marifet të pisët. Pas grevës në aeroport që dëmton qytetarët shqiptarë qëndron vetë Rama. Ai është i vetmi përgjegjës për këtë. I bëj thirrje Ramës ta ndërpresë menjëherë grevën dhe të ndalë kërcënimet ndaj shqiptarëve që sot duan ndryshim dhe shpresë pas 8 viteve të dështimeve të tij.”, ka thënë kreu i Partisë Demokratike, Lulzim Basha.
Aeroporti i Rinasit ka pezulluar sot të gjitha fluturimet. Shkak është bërë mosplotësimi i kërkesave të kontrollorëve. Ministrja Belinda Balluku ka hequr të gjitha përgjegjësitë nga shteti, ndërsa ka ngritur alarmin për “puç shteti”. Presidenti Ilir Meta ka kërkuar zgjidhje nga qeveria, ndërsa kryeministri Edi Rama i ka kërcënuar punonjësit e ‘Albcontrol’ me burg
