Ish- Presidenti i Perusë, Alan Garcia ka vrarë veten, para se policia të arrijë në shtëpinë e tij për ta arrestuar në lidhje me akuzat për ryshfet.
Garcia u gjet i vrarë në dhomën e tij të gjumit.
Sipas BBC, policia vendase kishte mandat për arrestimin e ish-presidentit për korrupsion nga një kompani braziliane ndërtimesh.
Ai është akuzuar për marrjen e ryshfetit nga kompania ndërtuese braziliane Odebrecht. Hetuesit thonë se ai mori ryshfet nga kompania gjatë mandatit të tij të dytë në detyrë.
Kompania Odebrecht është në qendër të skandalit më të madh të korrupsionit në Amerikën Latine. Në bazë të një marrëveshje të pranimit të fajësisë në vitit 2016 me Departamentin e Drejtësisë të SHBA-së, kompania pranoi që u ka paguar zyrtarëve të korruptuar në mbarë Amerikën Latine rreth 800 milionë dollarë në këmbim të kontratave të mëdha të infrastrukturës.
Alan Garcia ka shërbyer si president i Perusë në vitet 1985 deri 1990 dhe prapë nga viti 2006 deri në vitin 2011. Sipas autoriteteve vendase shuma e marrë nga kompania e ndërtimeve kishte të bënte me ndërtimin e stadiumit Olimpik dhe të shumë rrugëve në kryeqytetin Lima. Shuma e vjedhur nga ish-presidenti ishte llogaritur afro 30 milion euro.
Ish-presidenti nuk la asnjë shënim por akti i tij konsiderohet si një deklarim i fajësisë së tij. Presidenti aktual i Perusë Luis Gonzalez, ka postuar një Twitter ku shkruan ‘Zoti ta falë dhe u prehtë në paqe.’
