Ndryshimet në listën e lojtarëve të grumbulluar në Kombëtaren tonë për dy ndeshjet e radhës me Kazakistanin më 11 tetor dhe me Lituaninë 14 tetor nuk kanë fund.
Pasi Federata ka njoftuar ditën e sotme se portieri Thomas Strakosha, dhe dy futbollistët Myrto Uzuni dhe Jon Merinaj nuk do të jenë të gatshëm për ndeshjet e radhës, për shkak të dëmtimeve që kanë pësuar.
Gjithashtu me kuqezinjtë do të bashkohet Etrit Berisha dhe Xhakomo Vrioni. Ndërkohë që bëhet e ditur, se sulmuesi Emiljano Bullari do të rikthehet të skuadra e Shpresave.
Njoftimi i FSHF:
Lista e Kombëtares shqiptare për dy ndeshjet e Nations League në transfertë ndaj Kazakistanit më 11 tetor dhe Lituanisë më 14 tetor do të pësojë sërish ndryshime për shkak të dëmtimeve.
Thomas Strakosha, Myrto Uzuni dhe Jon Mersinaj, për shkak dëmtimi, pas konsultave me stafin mjeksor të kuqezinjve, nuk do të jenë të gatshëm për dy sfidat e radhës.
Që nga dita e djeshme me ekipin po stërvitet edhe Etrit Berisha, i cili mundi të sigurojë lejen për të qenë pjesë e kuqezinjve, ndërsa sot në mesditë me ekipin përfaqësues është bashkuar edhe sulmuesi i Juventusit, Giacomo Vrioni.
Sa i përket sulmuesit të kombëtares U-21, Emiljano Bullari, do të kthehet sërish tek skuadra e Shpresave.
