Policia e Shtetit ka nisur procedimin penal në gjendje të lirë ndaj Sekretarit të Përgjithshëm të Partisë Demokratike, Flamur Noka, pas një incidenti të ndodhur në një qendër votimi në Vorë gjatë paradites së sotme.
Sipas njoftimit zyrtar, specialistët për Hetimin e Krimit Ekonomik dhe Financiar në Drejtorinë Vendore të Policisë Tiranë, në bashkëpunim me Prokurorinë, kanë referuar materialet për veprën penale “Kanosja ose dhunimi ndaj pjesëmarrësve në zgjedhje”.
Procedimi është nisur pas denoncimeve të dy qytetarëve, Xh. A., 29 vjeç, dhe M. D., 33 vjeç, të cilët pretendojnë se Noka i ka penguar dhe kanosur gjatë ushtrimit të të drejtës së votës.
Ngjarja është regjistruar në zonën e Vorës dhe materialet për këtë çështje pritet t’i kalojnë SPAK-ut për hetime të mëtejshme.
