Mbrëmjen e kaluar në Itali u luajt derbi i Milanit i cili përfundoi me fitoren e zikaltërve të Interit të cilët mposhtën Milanin në minutat e fundit të kohës shtesë të kohës së rregullt 90 minutëshe. Por ajo që ra më tepër në sy dhe u kritikua nga të gjithë ishte përplasja mes dy sulmuesve, Ibrahimovic dhe Lukakut. Menjëherë pas mbarimit të pjesës së parë që u mbyll me golin e Ibrahimoviç, ylli i kuqezinjve u përplas me Lukakun e Interit.
Por ditën e sotme Zlatan Ibrahimovic ka qenë më i shpejtë për të rrëzuar poshtë akuzat për racizëm në lidhje me komentet që ai bëri ndaj Romelu Lukaku gjatë ndeshjes së mbrëmjes së kaluar ku Milan humbi në përballjen me Interin për kupën e Italisë.
Suedezi ka reaguar përmes një postimi në “Twitter”, ku përjashton çdo akuzë për racizëm.
“Në botën e Zlatan nuk ka vend për racizëm. Ne jemi të gjithë në të njëjtën garë dhe të gjithë jemi të barabartë!! Ne jemi të gjithë lojtar, por disa janë më të mirë se të tjerët”, shkruan 39-vjeçari.
Ibrahimovic postoi mesazhin së bashku me një videoklip viral në të cilin dy djem të rinj, një i zi dhe një i bardhë, shihen duke përqafuar njëri-tjetrin.
In ZLATAN’s world there is no place for RACISM.
We are all the same race – we are all equal !!
We are all PLAYERS some better then others.https://t.co/DhguHUOFte— Zlatan Ibrahimović (@Ibra_official) January 27, 2021
