Një aksident tragjik ka ndodhur mbrëmjen e së hënës në Roskovec, ku dy automjete tip “Benz” janë përplasur në aksin rrugor Marinzë-Suk 1, duke shkaktuar dëme të mëdha.
Si pasojë e përplasjes, mbi 30 krerë dele janë vrarë dhe çobani 79-vjeçar ka humbur jetën. Po ashtu, një tjetër çoban është plagosur dhe ndodhet nën kujdesin mjekësor në spital.
Policia ka arrestuar dy drejtuesit e mjeteve, shtetasit Q. M. dhe L. M., të dy 24 vjeç dhe banues në Roskovec, të cilët janë përfshirë në aksidentin që ka shkaktuar këtë tragjedi.
“Në vijim të informacionit të dhënë mbi aksidentin e mbrëmshëm, informojmë se specialistët e Sektorit të Qarkullimit Rrugor arrestuan në flagrancë shtetasit Q. M., 24 vjeç dhe L. M., 24 vjeç, të dy banues në Roskovec, pasi me automjetet që drejtonin, kanë përplasur 31 bagëti të imëta që lëviznin në fshatin Suk 1, Roskovec, si dhe 2 çobanët që ruanin bagëtitë, shtetasit F. G., 79 vjeç dhe K. H., 32 vjeç. Si pasojë, ka humbur jetën 79-vjeçari, si dhe është dëmtuar shtetasi K. H., i cili ndodhet në spital, në kujdesin e mjekëve”, thuhet njoftim.
