Djali i deputetit të Partisë Socialiste, Rexhep Rraja është lënë i lirë sot nga Gjykata e Krujës.
Trupi gjykues i kryesuar nga gjyqtarja Engjëllushe Tahiri, vendosi të lirojë nga qelia Rrexhep Rrajan, duke e dënuar me 1 vit shërbim prove.
Djali i deputetit të PS, Rexhep Rraja, i cili akuzohet për përndjekje të ish-të dashurës së tij Xhisiela Maloku, u arrestua më 30 shtator, pas urdhrit të Gjykatës së Krujës e cila dha “Arrest me burg, në mungesë” për të riun e akuzuar për ‘përndjekjen’ e ish-të dashurës së tij.
Më herët avokati mbrojtës i Rrajës ka thënë se denoncimi nga Xhisiela Maloku është bërë për motive xhelozie dhe se nuk ka të bëjë fare me përndjekje.
Cështja “Xhisiela” krijoi debate të forta politike pasi opozita akuzoi deputetin Rrahman Rraja dhe deputetë të PS-së se i bënë presion policisë së Fushë Krujës për ta mbyllur këtë dosje.
