Një ngjarje e rëndë është regjistruar në Përmet. Rreth orëve të pasdites së djeshme, ku një i mitur, ka qëlluar aksidentalisht me armë sportive, dajën e tij, Nj. L., 28 vjeç. I plagosuri tashmë ndodhet në spitalin e Gjirokastrës i cili është dërguar menjëherë për të marrë ndihmën mjekësore dhe fatmirësisht është jashtë rrezikut për jetën. Grupi hetimor ka sekuestruar në cilësinë e provës materiale armën sportive. Ndërkohë në Prokurorinë e Shkallës së Parë të Përmetit janë referuar materialet për shtetasin B. A., 38 vjeç, iu cili sipas informacionjeve të marra e dispononte armën sportive pa lejen përkatëse.
Njoftimi i plotë i Policisë së Përmetit:
Rreth orës 14:30, datë 31.08.2021, në Përmet, shtetasi i mitur R. U., duke luajtur në oborrin e banesës, dyshohet se aksidentalisht ka goditur në shpatull me armë sportive (dajën e tij) shtetasin Nj. L., 28 vjeç, banues në Përmet, i cili ndodhet në Spitalin Gjirokastër, jashtë rrezikut për jetën.
Grupi hetimor sekuestroi në cilësinë e provës materiale armën sportive.
Gjithashtu specialistët e Seksionit të Hetimit të Krimeve në Komisariatin e Policisë Përmet referuan materialet në Prokurorinë pranë Gjykatës së Shkallës së Parë Përmet dhe për shtetasin B. A., 38 vjeç, banues në Përmet, i cili dispononte armën sportive pa lejen përkatëse.
