Në Tropojë situata paraqitet e rënduar për shkak të të reshjeve të dendura që kanë sjellur përmbytje masive. Pemë të rrëzuara, prezencë uji në banesa, rrugë të përmbytura, është kjo panorama apokaliptike, që vjen nga Tropoja si pasojë e reshjeve të shiut.
Lidhur me këtë gjendje shqetësuese që përjetojnë banorët si pasojë e përmbytjeve ka reaguar deputeti I Partisë Demokratike, Isuf Çelaj.
Në një postim në facebook, deputeti shprehet se shirat e dendur kanë vënë në rrezik jetën dhe pronën e qytetarëve!
Ai gjithashtu deklaron se situata është më e vështirë në 3 fshatra ndërsa qeveria duhet të ndërhyjë urgjent.
Rrugët nacionale të bashkisë Tropojë kanë qenë nën trysninë e rënies së gurëve dhe vërshimit të ujrave. Janë të kalueshme vetëm në një korsi.
“Situata e rëndë në Tropojë si rezultat i shirave të dendur të ditëve të fundit, ka vënë në rrezik serioz jetën dhe pronën e qytetarëve! Situata më e vështirë paraqitet në fshatin Tpla, Zogaj dhe Vlad të Njësinë Adminstrative Bytyç dhe në disa zona të tjera. Nga kontaktet që kam pasur, kam kërkuar ndërhyrjen urrgjente të strukturave përgjegjëse të qeverisë qëndrore dhe lokale, siç është Drejtoria e Përgjithshme e Emergjenca Civile, Prefektura dhe Bashkia e Tropojës, për të marrë masat e duhura për përballimin e kësaj situate të vështirë:, shkruan deputeti Çelaj.
