Temperaturat me minus dhe moti i acartë nuk i penguan sot të rinjtë në qytetin e Beratit të futeshin në Lumin e Osumit për të kapur kryqin.
Dhe siç raportojnë mediat lokale për hedhjen e kryqit në lumë, vetëm për ta kapur kryqin, të rinjtë edhe janë përleshur. “Newsbomb” raporton se hedhja e kryqitr u shndërua në një skenë të dhunshme.
Konflikti ndodhi midis personave që u hodhen në lumë për të kapur kryqin, zgjati rreth 10 minuta ku veç grushtave u përdorën edhe mjete të forta si gurët. Ndërkohë policia ka zgjedhur që të mos të ndërhyjë në zgjidhjen e problemit. Nuk ka ende një njoftim zyrtar nga policia për arrestimin e ndonjë personi që shkaktojë konfliktin.
Shumë qytetarë që kanë komentuar kanë thënë se ky ritual në fakt prish traditën e harmonisë së kësaj dite, pa bërë sherr në një ditë të bekuar si kjo, raporton newsbomb.al.
Data 6 janar, për të gjithë orthodoksit, është Dita e Ujit të Bekuar. Në shumë qytete të Shqipërisë, është kryer që në orët e para riti i hedhjes së kryqit në ujë.
