Richard Grenell është i dërguari i Donald Trump për dialogun Kosovë–Serbi.
Sot ai ka zhvilluar një takim me presidentin e Kosovës, Hashim Thaçi.
Takimi zgjati më shumë se një orë.
Pas bisdës të dy folën për mediat.
Grenell u tha gazetarëve se nuk ka ardhur për të ndërhyrë në formimin e qeverisë, por misioni i tij është të përcjell politikat e Trumpit në zhvillimin ekonomik, edhe në Kosovë e Serbi.
“Duam të zhvillojmë ekonomikisht këtë rajon. Të rinjtë kanë nevojë për punë, kjo është politika e presidentit Trump. Ekonomia në SHBA po eksplodon, sepse kemi thënë se njerëzit duhet ta marrin pushtetin”, ka thënë Grenell.
Më pas shtoi se SHBA po përkujdeset që këtë t’ua thotë liderëve të Kosovës dhe Serbisë, duke shtuar se duhet të zgjidhen përfundimisht problemet politike.
Ndërsa presidenti Thaçi tha se atë që të tjerët nuk arritën ta bëjnë e bëri Grenell dhe SHBA-ja.
“Roli i amerikanëve është i pazëvendësueshëm. Roli i Trump do të jetë vendimtar në marrëveshjen finale me Serbinë. Unë kam nominuar kandidatin për kryeministër me kërkesën e tij, kryetari i partisë së parë ka, tash u mbetet atyre që të krijojnë qeverinë. Vizita e Grenell është ekskluzivisht për dialogun Kosovë-Serbi, jo për politika lokale. Do diskutojmë për dialogun dhe çështjet me rëndësi jetike për vendin. Përsëri e theksoj se në lidershipin e presidentit Trump do ia arrijmë”, shtoi presidenti Thaçi.
