Ambasadorja e SHBA-vë në Shqipëri, Yuri Kim ka zhvilluar pasditen e sotme në selinë blu një takim me kryedemokratin Lulzim Basha dhe fill pas takimit, të dy kanë dalë në një deklaratë për shtyp duke dhënë prononcim për gazetarët e pranishëm.
Diplomatja amerikane theksoi se diskutimi ishte fokusuar tek e ardhmja, dhe jo tek e shkuara, duke qartësuar 31 majin si datë për miratimin e Reformës Zgjedhore nuk është afat i vendosur nga SHBA, por nga vetë palët.
“Sapo zhvilluam një takim të mirë me zotin Basha. Diskutimi ynë ishte i vendosur për të ardhmen, jo për të shkuarën. Në veçanti folëm për rëndësinë se si udhëheqësit shqiptarë duhet të përmbushin pritjet e popullit shqiptar. Për të përfunduar reformën zgjedhore deri në 31 maj. Ky nuk është afat kohor që ka vendosur ambasada e SHBA apo faktor tjetër i jashtëm. Ky është një afat kohor që e kanë vendosur vet udhëheqësit në bindjen e tyre. Për nga përkufizimi, opozita ka një punët ë madhe para. Por ndihem e inkurajuar nga diskutimi që kemi zhvilluar dhe pres rezultat “, tha ajo.
Nga ana tjetër, kreu i PD, Lulzim Basha është zotuar para ambasadores Kim se Reforma Zgjedhore do të përfundojë brenda 31 majit, duke shtuar se opozita do bëjë gjithçka që të përfundojë në këtë datë ndërkohë thotë se opozita ka qëllim që sa më parë të shkohet në kutitë e votimit dhe zgjedhësit të pandikuar nga bandat, shitblerja e votës dhe paratë e korrupsionit të zgjedhin qeverinë e Parlamentin që duan.
”Organizmi i zgjedhjeve të lira dhe të ndershme është prioritet absolut. Një orë e më parë në kutitë e votimit të pandikuar nga bandat, nga shitblerja e votës, paratë e korrupsionit. Jemi të vendosur për këtë betejë dhe jemi të vendosur që brenda 31 majit reforma zgjedhore do të mbarojë dhe do të bëjmë gjithçka që të zbatohet. Që dhe kjo krizë të marrë zgjidhje që shqiptarët të zgjedhin parlamentin dhe qeverinë që duan. Që t’i hapet dhe rruga për integrimin europian që është dhe zotim i opozitës. ”- tha Basha.
Sakaq, u vu re edhe një lloj afërsie që Basha kishte me ambasadoren Kim, të cilës i ka buzëqeshur gjithë kohës.
Ndërkohë që Kim fliste, kreu i PD-së qëndronte pas saj i buzëqeshur duke ‘shuar’ të gjitha aludimet se deklaratat e saj për pengimin e Reformës në Drejtësi nuk kishin lidhje me të.
https://www.facebook.com/lulzimbasha.al/videos/245054350115266/
