Një autobus është përfshirë nga flakët paraditen e së shtunës, pranë daljes së tunelit të Kardhiqit, në aksin Gjirokastër–Sarandë.
Mjeti po transportonte pasagjerë kur zjarri ka shpërthyer në lëvizje, duke shkaktuar panik mes udhëtarëve.
Fatmirësisht, të gjithë pasagjerët arritën të dalin në kohë nga autobusi dhe nuk raportohet për persona të lënduar.
Pamjet nga vendngjarja tregojnë se flakët kanë përfshirë plotësisht automjetin, ndërsa një shtëllungë e madhe tymi ka mbuluar zonën përreth.
Sipas të dhënave paraprake, dyshohet se zjarri është shkaktuar nga një shkëndijë elektrike. Brenda autobusit janë djegur edhe sende personale të udhëtarëve.
Autoritetet po hetojnë për të zbardhur shkaqet e sakta të ngjarjes.