Këtë të mërkurë ka hyrë në fuqi amnistia Penale dhe shumë të burgosur kanë lënë institucionet e vuajtjes së dënimit. Një nga të burgosurit e burgut të Drenovës, i cili ka përfituar nga Amnistia Penale, tha për gazetarët se i kishte mbetur vetëm një muaj nga plotësimi i dënimit. Ai bëri me dije se ishte dënuar për një vjedhjen e një kabulli të cilin e kishte prerë me qëllim që ta shiste. Gjykata e kishte dënuar me 4 vite dhe ia kishte ulur më pas në 2 vite.
“U shtyva ta bëja një gjendja ekonomike, familja më ka lënë që të vogël. Sa i përket kushteve në burg janë të këqija, nëse ha ushqimin aty të zë gjumi. Këta përdorin edhe dhunë. Dje kisha për të dalë në skype për të folur me familjen, na u prish skype ata ma futën me grusht”, tha ai.
