Gjatë ditës së sotme është tentuar të grabitet një bankë  e nivelit të dytë në te bulevardi “Zogu 1”. Bëhet e ditur se persona ende të paidentifikuar kanë tentuar të grabisin bankën e cila ndodhej brenda qendrës tregtare “Veve Center”. Mësohet se grabitësit kanë përdorur tunelet dhe kanalet nëntokësore të bulevardit të ri “Zogu I”. Planin e tyre autorët e kishin menduar mirë në çdo detaje pasi kishin veshur jelekë të punonjësve të mirëmbajtjes për t’u kamufluar dhe për të hyrë në kanalet e ujërave të zeza dhe për të gërmuar.

Njoftimi i policisë: 

Falë reagimit të Policisë, parandalohet tentativa për vjedhje në një bankë të nivelit të dytë, duke përdorur tunele të nëndheshme.

Shërbimet e Policisë, në bazë të informacioneve të siguruara në rrugë operative, se në bulevardin “Zogu I” po kryheshin gërmime, duke përdorur tunele të nëndheshme, me qëllim depërtimin në ambientet e brendshme të një banke të nivelit të dytë, falë reagimit të menjëhershëm, kanë bërë të mundur parandalimin e vjedhjes në bankë.

Shërbimet e Policisë janë duke kryer hetime të thelluara me qëllim identifikimin, kapjen e autorëve dhe vënien e tyre para përgjegjësisë.

Materialet hetimore i kaluan Prokurorisë së Rrethit Gjyqësor Tiranë, për veprime të mëtejshme procedurale, për veprën penale “Vjedhja e bankave dhe arkave të kursimit” kryer në bashkëpunim.