Aktivisti Besjan Pesha ja ka dalur të triumfojë në gjyqin kundër Partisë Socialiste pasi i përdorën imazhin e djalit të tij për fushatën elektorale në zgjedhjet vendore, në vitin 2019. Gjykata e Tiranës të martën dënoi Partinë Socialiste të Shqipërisë për shfrytëzimin e imazhit të një të mituri pa autorizimin e prindërve të tij për ta përdorur si dekor i çeljes së fushatës elektorale të zgjedhjeve vendore të 2019-ës në mitingun e zhvilluar në sheshin “Nënë Tereza”, në Tiranë.
Lajmi është konfirmuar nga aktivisti Besjan Pesha në rrjetin social Facebook, i cili tregon se në vitin 2019, Partia Socialiste përdori një imazh të djalit të tij, marrë pa leje nga faqja personale në Facebook, për ta përdorur si dekor në çeljen e fushatës elektorale për zgjedhjet vendore.
Postimi i aktivistit Besjan Pesha në profilin e tij në “Facebook”:
Një fitore simbolike!Në vitin 2019, Partia Socialiste, përdori një imazh të tim biri (marrë nga faqja ime e fb) si dekor në çeljen e fushatës elektorale për zgjedhjet vendore.E çova çështjen në gjykatë dhe sot u mor vendimi që PS të dëmshpërblejë tim bir dhe ne si prindër, të kërkojë ndjesë dhe të heqë gjithë imazhet e paautorizuara nga rrjetet sociale.Merita i takon Av Dorian Matlija për profesionalizmin dhe sigurisht gjykatësit për vendimin.Uroj të kemi vendosur një preçedent i cili të përdoret nga politika dhe qytetarët duke i lënë fëmijët mënjanë në lojën me topa balte të mejhanes sonë politike.
