Para dy javësh, ish-zyrtarja Alda Klosi u arrestua e akuzar për pastrim parash, deklarim të rremë dhe fshehje e të ardhurave.
Ndërkohë që ish-zyrtarja e Kryeministrisë Alda Klosi kërkon lirinë në Gjykatën e Apelit. Mësohet se avokati i saj Ilirjan Muho do dorëzojë ankimimin e dënimit në Gjykatën e Apelit. Klosi do të kërkojë që të hetohet me masë më të butë duke kundërshtuar vendimin e shkallës së parë që e la në burg. Alda Klosi kërkon lirinë me argumentin se ka 2 fëmijë të mitur. Ajo ka deklaruar se ka në kujdestari edhe nënën e saj të verbër. Kërkesa për liri do depozitohet në gjykatën e apelit të juridiksionit të përgjithshëm dhe më pas gjykata do caktoj dhe datën për shqyrtimin e kësaj kërkese.
Ish-zyrtarja përfundoi pas hekurave pas dëshmisë së pastrueses së saj Rozeta Dobi, e cili grabiti në shtëpinë e ish-zyrtares rreth 120 mijë euro. Rozeta Dobi ka treguar se ka bashkëpunuar me Alda Klosin duke e inskenuar si grabitje, pasi zyrtarja ka dashur që t’ia hidhte fajin ish-bashkëshortin, me të cilin pas ndarjes kishte pasur konflikte. Rozeta thotë se me Alda Klosin kishin një marrëdhënie shoqërore me njëra-tjetrën, që kishte filluar që nga koha kur ajo kishte nisur që të punonte në shtëpinë e saj. E pikërisht për shkak të kësaj marrëdhënie të mirë shoqërore, sipas Rozetës, Alda i ka thënë që të marrë mijëra eurot nga kasaforta, t’i fshihte në shtëpinë e saj dhe të gjithën ta inskenonte si grabitje. Të dyja po qëndrojnë në të njëjtin paraburgim te burgu i grave “325”.
Klosi ishte shtruar në spital kur u dha masa “arrest me burg” ndaj saj dhe u transferua rreth orës 15:00 të ditës së enjte (9 shkurt) në qeli.
