Deputeti demokrat i Lushnjës, Saimir Korreshi ka denoncuar sërish në parlament gjendjen e spitalit të qytetit dhe problematika të tjera të shëndetësisë. Korreshi ka thënë se për të bërë një vaksinë Pfizer në Lushnjë duhet mi ki fortë, kurse për një skaner duhen dy javë.
“Nuk e kemi vetëm te vaksinat, për hir të vërtetës i gjithë grupi parlamentar ka qenë pro. Në Lushnjë duhet mik i fortë për të bërë Pfizer, për një skaner duhen dy javë dhe atëherë virusi ka kaluar dy herë në trupin e njeriut. Skaneri i spitalit në Lushnjë do mik, 4 jave qe qytetaret te marrin pergjigjiet”, tha Korreshi.
Deputeti kërkoi nga kolegët e tjerë që të shkojnë e të shohin urgjencën, ndërsa iu rikthyer deklaratës së tij se në spitalin e Lushnjës kalojnë minj, duke shtuar se sot në qytet nuk gjenden as mace, sepse i kanë çuar në spital në mënyrë që të hanë minjtë.
Dua ti falenderoj mjekët por jo drejtuesit, në kulmin e pandemisë, ju ftoj të vini ta shikoni urgjencën. Nuk ju kërkoj shumë kohë, vetëm atë që harxhoni në parukeri, ju qeshët herën e parë se aty kalojnë minj, sot aty nuk gjenden mace i kanë cuar në spital të hanë minjtë. …Do tju lutesha të gjithëve që me rrogën tuaj të parlamentit do tia dilnit në fund të muajit, jo më me rrogën e qytetarit”, u shpreh Korreshi duke iu referuar në fund, rritjes së çmimeve në vend.
