Pensionistët dhe Lëvizja Bashkë u mblodhën sërish sot para Kryeministrisë për të kërkuar rritjen e pensioneve.
Ata denoncuan se pensioni i tyre nuk mjafton as për ilaçet dhe ushqimet e përditshme, duke akuzuar qeverinë për korrupsion dhe keqpërdorim të fondeve.
Me pankarta në duar si: “Punë një jetë, pensioni në dietë” dhe “Hiqni dorë nga korrupsioni, të na rritet pensioni”, ata bënë thirrje për bashkim dhe mobilizim të mëtejshëm për të kërkuar drejtësi dhe përmirësim të kushteve të jetesës.
Me 200 mijë lekë çfarë do bëjmë. Pensionistët janë të parët në votime dhe të parët në detyrime. Ku është Kontrolli i Shtetit, ku janë sindikatat që nuk ndjehen fare. Shtresa e tretë ka vuajtur në kohën e Enverit dhe të Hitlerit. Na iku Enveri, erdhi Hitleri. Ku jeni o shqiptarë, fëmijët tanë të vijnë të votojnë për ta hedhur këtë”,- tha një e moshuar.
Pensioni social 500 euro. Ky na do vetëm votën. Vërtetë na ka gjunjëzuar nga ana ekonomike, na ka bërë me oksigjen, por ama ditën e votimit ta çojmë këtë në oksigjen, t’ia heqim tubat këtij. Më keq se sot nuk do bëhemi. Të mblidhemi dhe ta rrëzojmë me votën,- u shpreh një tjetër pensionist.
