Gjykata e Tiranës deklaron pushimin e hetimeve për rrëmbimin e biznesmenit Koço Dado që u mor peng për 1 milionë dollarë. Dosja mbyllet me kërkesën e Prokurorisë së Tiranës, pasi ishte ish-Prokuroria e Krimeve të Rënda që ja delegoi hetimin e rrëmbimit të Koço Dados.
Ky është vendimi i dytë i gjykatës, pasi më 2011 e kishte shpallur të vdekur biznesmenin me kërkesën e familjes.
Rrëmbimi i biznesmenit të njohur Koço Dado në 8 qershor 1998. Ai u rrëmbye në mbrëmje, në afërsi të ish- ambasadës në rrugën Qemal Stafa, pasi kishte përfunduar mbledhjen e shoqatës së biznesmenëve shqiptarë. Katër rrëmbyes u afruan me një mjet tip ford , njëri prej tyre i vendosi pistoletën personit që gjendej nën shoqërinë e Dados, duke i thënë ndal policia.
Fjala e fundit që mundi të thotë biznesmeni Koço Dado përpara se të merrej forcërisht ishte pyetja ‘Çkeni me mua?’. Ndërsa më pas njëri prej tyre i vendosi një kapuç në kokë dhe dy të tjerë e goditën derisa e futën në automjet.
Prokuroria vlerëson se kanë kaluar më tepër se 20 vite dhe ky qëndrim i prokurorisë mbështetet dhe nga gjykata e thotë gjithashtu se për shkak të kohës së konsiderueshme që ka kaluar dhe mungesës së provave, çështja është parashkruar
Grupet kriminale më të njohura të asaj kohe, protagonistët ë krimit në vend rezultojnë të skeduar, përgjuar dhe vëzhguar. Madje edhe kriminelë të njohur edhe në ditët e sotme. Biznesmenë të njohur dhe jo, dëshmitarë dhe të afërt që janë pyetur dhjetëra herë
Por në përfundim drejtësia u dorëzua dhe nuk mundi të zbardhë rrëmbimin e Koço Dados dhe as autorësinë e atyre që hodhën eksploziv në banesën e tij gati katër muaj pasi 45 vjeçari ishte marrë peng
Një serial veprimesh hetimore të urdhëruara në kohë të ndryshme nga prokurorë të përgjithshëm dhe shefa kundër krimit të organizuar rezultuan të pafrytshme dhe në përfundim gjykata e shkallës së parë shpalli pushimin e dosjes që i kishte kaluar për kompetencë nga ish-krimet e rënda. As ekspertiza ndaj këtyre letrave, që u përgatiten nga rrëmbyesit për të udhëzuar familjen e tij se ku duhet t’i dorëzonin paratë. As tre kasetat ku ishte filmuar pengu nuk shërbyen për asgjë.
